सुर्खेत ।
कर्णाली प्रदेश सरकारमा सहभागी नेकपा (माओवादी केन्द्र) का चारजना मन्त्रीहरुले आज राजीनामा दिएका छन् । उनीहरुले सोमबार आर्थिक मामिला तथा योजना मन्त्रालयमा पत्रकार सम्मेलनपछि मुख्यमन्त्री यामलाल कँडेललाई भेटेर संयुक्त रुपमा राजिनामा पत्र बुझाएका हुन् ।
मुख्यमन्त्री कँडेललाई राजीनामा पत्र बुझाउनुअघि गरिएको पत्रकार सम्मेलनमा बोल्दै आर्थिक मामिला तथा योजना मन्त्री महेन्द्र केसीले फेरिएको परिस्थितिमा मन्त्रीमा बसीरहनु उपयुक्त नहुने भन्दै राजीनामा दिएको बताए । कर्णाली प्रदेश सरकारमा माओवादीका तर्फबाट चारजना मन्त्री गत वैशाख १८ मा मन्त्रीमा नियुक्त भएका थिए ।