अनलाइन डबली
काठमाडौँ ।राष्ट्रिय परिचयपत्र तथा पञ्जिकरण विभागले काठमाण्डौ महानगरपालिकाको विभिन्न वडा कार्यालयमा राष्ट्रिय परिचयपत्र स्टेशन सञ्चालन गर्ने भएको छ । यसअघि राष्ट्रिय सभा गृहमा परिचयपत्रका लागि विवरण सङ्कलन गर्ने काम भइरहेकामा सेवाग्राहीको चाप र कठिनाइलाई मध्यनजर गरेर विभिन्न वडा कार्यालयबाट विवरण सङ्कलन गर्न लागिएको हो ।
विभागले काठमाण्डौ महानगरको वडा नम्बर ३ महाराजगञ्ज, वडा नम्बर ८ जय बागेश्वरी, वडा नम्बर १५ स्वम्भू र वडा नम्बर ३१ सुविधानगरमा राष्ट्रिय परिचयपत्र स्टेसन सञ्चालन गरीने जनाएको छ ।
विभागका अनुसार यसका लागि सम्बन्धित वडा कार्यालयलाई उपयुक्त जनशक्ति लगाएतको व्यवस्थापनका लागि आग्रह गरिएको छ ।
सरकारले सामाजिक सुरक्षा भत्ता, पेन्सन र बिमामा साउन १ देखि राष्ट्रिय परिचयपत्र अनिवार्य गर्ने निर्णय गरेको थियो । यस आर्थिक वर्षदेखि सामाजिक सुरक्षा भत्ता लिन राष्ट्रिय परिचयपत्र अनिवार्य गरिइएसँगै देसै भरिका जिल्ला प्रशासन कार्यालयहरुमा परिचयपत्र बनाउनेको भीड बढेपछी विशेष गरि ज्ष्ठ तथा अशक्त नागरिकले सास्ती खेप्नुपरेको छ। ।
