अनलाइन डबली
सुर्खेत ।
पहिलो सुरेन्द्र श्रेष्ठ स्मृति दिवसको अवसरमा बुधबार आयोजित कर्णाली प्रदेश स्तरीय बुद्धिचाल छनौट प्रतियोगितामा सुर्खेतका बिरोध विक्रम जिसी पहिलो भएका छन् । त्यस्तै दोस्रो सुर्खेतकै राजेन्द्र कुमार गौतम र सुर्खेतकै प्रेम बहादुर सोमै तेस्रो भए ।
सल्यान, सुर्खेत र दैलेखका गरि १० जना खेलाडीहरु सहभागी प्रतियोगिताबाट ५० बर्ष माथिका तीन जना बुद्धिचाल खेलाडीहरु छनौट भएका छन् । छनौट भएका खेलाडीहरुले आगामी महिना काठमाडौंमा हुने बुद्धिचाल प्रतियोगितामा सहभागीता जनाउने छन् ।
प्रतियोगितामा पहिलो हुने जिसीले प्रमाणपत्र सहित १० हजार नगद पुरस्कार प्राप्त गरे । त्यस्तै दोस्रो भएका गौतमले ५ हजार नगद सहित प्रमाणपत्र र तेस्रो भएका सोमैले ३५ सय नगद पुरस्कार सहित प्रमाण पत्र प्राप्त गरे ।
अखिल नेपाल बुद्धिचाल संघ कर्णाली प्रदेशले आयोजना गरेको छनौट प्रतियोगिताको उद्घाटन कर्णाली प्रदेशका सामाजिक विकास मन्त्री बीर बहादुर शाहीले गरेका थिए । कार्यक्रममा कर्णाली प्रदेश खेलकुद विकास परिषदका उपाध्यक्ष प्रमोद हमाल, बोर्ड सदस्य टक्क बहादुर शाही लगायतको उपस्थिति थियो ।
