अनलाइन डबली
काठमाडौँ । ग्लोबल एनआरएनए फाउण्डेसनका अध्यक्ष विनोद कुँवरलाई पत्नी शोक परेको छ । दक्षिण कोरियाको सोलस्थित एक अस्पतालमा उपचारको क्रममा ५० बर्षीय लि जी हयूँगको बुधवार निधन भएको हो ।
केही समयदेखि सोलस्थित सेभेरेन्स अस्पतालमा क्यान्सरको उपचार गराइहेकी हयूँगको सम्झना तथा सम्मानको लागि आज श्रद्धाञ्जली कार्यक्रम राखिएको छ । पारिवारिक स्रोतका अनुसार आजै उनको अन्तिम संस्कार गरिने छ ।
एनआरएनएको १० औँ महाधिवेशनबाट अध्यक्षमा निर्वाचित भएका कुँवर लामो समयदेखि कोरिया बस्दै आएका छन् । कुँवरले कोरियाका लगानीकर्तालाई नेपाल भित्र्याउने र नेपालमा विभिन्न क्षेत्रमा समाजिक काम गर्दै आइरहेका छन् ।
