अनलाइन डबली
काठमाडौँ । नेपालमा कोरोना भाइरसको नयाँ भेरियन्ट ‘केपी’ संक्रमण पुष्टि भएको छ । राष्ट्रिय जनस्वास्थ्य प्रयोगशालामा गरिएको परीक्षणमा कोरोना भाइरसको भेरियन्ट ‘ओमिक्रोन’ को नयाँ सब–भेरियन्ट ‘केपी–१’, ‘केपी–२’, ‘केपी–३’ र ‘केपी–४’ पुष्टि भएको हो ।
प्रयोगशालामा ४० जनाको नमुना परीक्षण गर्दा ‘केपी–१’ १२ जनामा र ‘केपी–२’ १७ जनामा पुष्टि भएको छ । प्रयोगशालाका सूचना अधिकारी कृष्ण प्रसाद जैशीका अनुसार १–१ जनामा ‘केपी–३’ र ‘केपी–४’ पुष्टि भएको छ । ४० जनामा गरिएको नमुना परीक्षणमा ‘जिएन १’ ७ जनामा र र ‘बिए २’ २ जनामा पुष्टि भएको पनि ले जनाएका छन् ।
र्याण्डम स्याम्पलिङ विधिबाट केही महिनायताको कोरोना पोजेटिभ आएका ४० जनामा नमुनाको ‘जिन सिक्वेन्सिङ’ गर्दा ४२ प्रतिशतको हाराहारीमा ‘केपी १ र केपी २’ पुष्टि भएको प्रयोगशालाले जनाएको छ ।
यो नयाँ भेरियन्टले दिर्घरोगी र वृद्धावृद्धलाई बढी संक्रमण हुने बताएको छ । संक्रामक रोग विशेषज्ञ डा. शेर बहादुर पुनले दिर्घरोगी र वृद्धवृद्धालाई विशेष सावधानी अपनाउन सुझाव दिए । उनले कडा छैन भनेर हेलचक्राई गर्न नहुने बताए ।
यो भेरियन्टले बाहिरी मुलुकमा खासै असर गरेको नदेखिएको विज्ञहरुले बताएका छन् । यो भेरियन्ट सिंगापुर र चाइनामा व्यापक फैलिएको र त्यसले कडा रुपमा संक्रमण नभएको बताइएको छ ।
स्वास्थ्य तथा जनसङ्ख्या मन्त्रालय प्रवक्ता डा. प्रकाश बुढाथोकीका अनुसार ओमिक्रोनका सब–भेरियन्टहरु पनि सामान्य हो ।
