काठमाडौँ । राष्ट्रियसभा निर्वाचनको मत गणना सुरु भएको छ । आज ३ बजे सम्पन्न भएको मतदानको मत गणना सुरु भएको हो । निर्वाचन आयोगका प्रमुख निर्वाचन आयुक्त दिनेश कुमार थपलियाले साँझ ७ बजेभित्र सबै प्रदेशमा मतगणना सम्पन्न हुने बताए ।

मतदान सकिएलगत्तै एक नम्बर प्रदेशको मतगणना सुरु भएको थियो । थपलियाका अनुसार बढिमा साढे ७ बजेसम्म सबै प्रदेशको मत परिणाम आइसक्ने गरी तयारी भइरहेको छ ।

राष्ट्रियसभाको १९ सिटका लागि बिहीबार भएको निर्वाचन दिउँसो ३ बजे सम्पन्न भएको छ । ७ प्रदेशमा रहेको मतदान केन्द्रमा शान्तिपूर्ण निर्वाचन सम्पन्न भएको आयोगले जनाएको छ । राष्ट्रिय सभामा १९ पदका लागि ५१ जना उम्मेदवारले प्रतिस्पर्धा गरेका थिए ।