अनलाइन डबली
काठमाडौं । जनतासँग माओवादी विशेष रुपान्तरण अभियानलाई प्रभावकारी बनाउने प्रतिबद्धतासहित नेकपा (माओवादी केन्द्र) कामनपा–२९ को वडा समितिको बैठक बुधबार अनामनगरमा सम्पन्न भएको छ ।
बैठककी प्रमुख अतिथि पार्टी केन्द्रीय सदस्य सुनिता गौतमले पार्टीमा स्थानिय वासिन्दाको उल्लेख्य सहभागिता बढ्दै गएकोमा खुसि व्यक्त गरिन् । अनेम संघ(क्रान्तिकारी) वागमती प्रदेश अध्यक्ष समेत रहेकी गौतमले अबको अभियानले थप जनता जोड्न सबैलाई आग्रह गरिन् ।
विशेष प्रदेश सचिवालय सदस्य दिपक सापकोटाले केन्द्रीय राजधानीको प्रशासनिक केन्द्र सिंहदरबार रहेको यस वडामा जनतालाई पार्टीमा जोड्ने विशेष रणनीतिसहित अभियान चलाउनु पर्नेमा जोड दिएका थिए । पार्टी कमिटी १ नम्बर क्षेत्रका सचिव रेवती प्रसाद दाहालले विशिष्ट राष्ट्र सेवक कर्मचारी र देशका मुख्य प्रशासनिक कार्यालयहरु यस वडामा अवस्थित रहेकाले यो निकै संवेदनशील रहेको बताए । बागमति प्रदेश परिषद सदस्यसमेत रहेका दाहालले अहिले अत्याधिक मात्रामा स्थानिय जनताको माओवादीप्रति आकर्षण बढ्दै गएको जानकारी दिए ।
पार्टी वडा कमिटी अध्यक्ष ज्ञानकुमार श्रेष्ठको अध्यक्षतामा भएको सो बैठकमा, बागमती प्रदेश सल्लाहकार कृष्णमान श्रेष्ठ, बागमती प्रदेश परिषद सदस्य तथा काठमाडौं क्षेत्र नं. १ का इन्चार्ज सूर्य कार्की‘निश्चल’,कमनपा पार्टी कमिटी सचिव टिपी रिजाल, सो वडाका इन्चार्ज रुद्रा कार्कीलगायतको वडा पार्टी पदाधिकारीहरुको सहभागिता रहेको थियो ।
