अनलाइन डबली
धनगढी । कैलालीको मोहन्याल गाउँपालिका अध्यक्ष देविदत्त उपाध्यक्ष ‘हिमशिखर’ ले श्रम अभियान सुरु गरेका छन् । नेकपा माओवादी केन्द्रका नेता समेत रहेका अध्यक्ष हिमशिखरले ‘म बनाउछु मेरो मोहन्याल’ नाराका साथ श्रमदान अभियान सुरु गरेका हुन् ।
सामाजिक संजालमा हिमशिखरले आफूबाट सुरु भएको अभियान सुरुवात भएको र सबै वडामा हप्तामा एकदिन अनिवार्य रुपमा सबै जनप्रतिनिध श्रमदानमा सहभागी हुने बताएका छन् । अभियानले आब २०८०/०८१ को नीति तथा कार्यक्रममा समेत प्राथमिकताका साथ आउने जानकारी समेत दिएका छन् ।
”म बाट सुरु गरेर यो अभियानको सुरुवात मात्र गरेको हो। यो अभियान हप्ताको १ दिन अनिबार्य सबै जनप्रतिनिले श्रमदान गर्ने गरि र सबै आम जनसमुदायलाई स्व:स्फुर्त श्रममा जोड्ने र मोहन्यालको बिकास हामी आफै गर्न सक्छौ भन्ने सन्देश सबैलाई दिने उद्देश्य रहेको छ, सबैको साथ हुनेमा म पूर्ण बिस्वस्थ छु। म पनि प्रत्येक हप्ता सम्भब भएसम्म विभिन्न वडामा श्रमदानमा जानेछु। अब फेसबुकमा एक अर्काको कुरा मात्र काट्ने हैन सबै श्रमदान अभियान मा जुटौं” अध्यक्ष हिमशिखरले समाजिक संजालमा लेखेका छन् ।
अभियानले चुरेका दुर्गम बस्तीमा पानी पुर्याउने पहिलो लक्ष्य रहेको छ । त्यसैगरी अन्य क्षेत्रका कामहरुलाई पनि श्रमदानमार्फत अगाडि बढाउने समेत हिमशिखरले बताएका छन् ।
उक्त गाउँपालिकाभित्र धेरै चुरे क्षेत्र रहेको छ । जो जनयुद्धको आधार क्षेत्र पनि हो । जनयुद्धको बेला अधिकांश सोही क्षेत्रका जनतासँग हातेमालो गरेका हिमशिखर चुनाव जितेपछि पनि जनयुद्धकालिन शैलीमा कामकारवाही गरिरहेका छन् ।
अध्यक्षको यो अभियानले मोहन्यालबासी खुशी भएका छन् ।
