![](https://onlinedabali.com/wp-content/uploads/2023/03/333569487_1172824770088432_3561317785620324431_n.jpg)
काठमाडौं । दाङको घोराही उपमहानगरपालिका वडा नम्बर १७ मा अचानक विद्युतको तार सर्ट हुँदा दामोदर रेग्मीको घर नस्ट भएको छ।जिल्ला प्रहरी कार्यालय दाङका अनुसार ४ः३५ बजेको समयमा उक्त घरमा आगलागी भएको हो।
आगलागीबाट रेग्मीको अन्दाजी १० लाख बराबरको धनमाल क्षती भएको र अन्नबाली, लत्ताकपडा पनि जलेर नष्ट भएको जिल्ला प्रहरी कार्यालयले जनाएको छ ।
रेग्मीको घरमा पढ्ने विद्यार्थीहरु बस्ने गरेको पाइएको छ। उक्त आगलागीमा मानवीय तथा पशुचौपायाको कुनै क्षति नभएको दाङ प्रहरीले जनाएको छ।
आगलागी स्थानीयवासी, प्रहरी र दमकलको सहयोगमा आधा घन्टा पछि पुर्ण नियन्त्रणमा आएको जिल्ला प्रहरी कार्यालय दाङका एसपी वीर बहादुर ओलि ले बताए ।