अनलाइन डबली
काठमाडौं । नेपाली कांग्रेसले राष्ट्रिय सभा उपाध्यक्ष पदमा उम्मेदवारी नदिने निर्णय गरेकाे छ । निर्णय गरि नसकेपनि काँग्रेसले नेकपा माओवादी केन्द्रका उम्मेदवारलाई समर्थन एक नेताले बताए ।
माओवादी केन्द्रले नेतृ उर्मिला अर्याललाई अगाडि सारेको छ । काँग्रेसले उम्मेदवारी नदिने र सत्तारूढ दलहरूबाट अर्याल साँझा उम्मेदवार हुने भएकाेले जित निश्चित जस्तै भएकाे छ । अन्य साना पार्टीले उम्मेदवारी नदिए उनी निर्विराेध निर्वाचित हुनेछन् ।
विहान बसेको काँग्रेसको संसदीय समिति बैठकले आफूले उम्मेदवारी नदिने र माओवादी उम्मेदवारलाई समर्थन गर्ने निर्णय गरेको हो । सभापति शेरबहादुर देउवाको निवास धुम्बाराहीमा बैठकपछि प्रमुख सचेतक रमेश लेखकले राष्ट्रिय सभा उपाध्यक्ष पदमा उम्मेदवारी नदिने निर्णय भएको जानकारी दिए ।
राष्ट्रिय सभा उपाध्यक्ष पदका लागि आज दिउँसो १ बजेदेखि ४ बजेसम्म उम्मेदवारी दर्ताको समय तोकिएको छ । भोलि सोमबार निर्वाचन हुनेछ ।
