अनलाइन डबली
काठमाडौं । तीन पटक विश्वकप जितेका ब्राजिलका महान् फुटबलर पेलेको स्वास्थ्य अवस्था झनझन् गम्भीर बन्दै गएको छ ।
अल्बर्ट आइन्स्टाइन अस्पतालमा उपचार गराइरहेका ८२ वर्षीय पूर्व फुटबल खेलाडी पेलेको स्वास्थ्यमा सुधार भएको नभएको अन्तर्राष्ट्रिय संचारमाध्यमहरुले बताएका छन् ।
क्यान्सर तथा मिर्गौला र मुटुसँग सम्बन्धित समस्याबाट पीडित पेलेको डाक्टरले उच्च निगरानीमा उपचार भइरहेको छ । तर, स्वास्थ्यमा सुधार हुन नसकेको बताइएको छ ।
पेलेलाई पहिलोको अवस्थामा फर्काउन आफूहरुले गरेका सबै प्रयासले परिणाम दिन नसकेको चिकित्सकहरुले बताएका छन् ।
