![](https://onlinedabali.com/wp-content/uploads/2022/11/thumb-1.jpeg)
सप्तरी । निकै चासोका साथ हेरिएको सप्तरी निर्वाचन क्षेत्र नम्बर २ मा जनमत पार्टीले सुरुवाती अग्रता लिएको छ ।
जनमत पार्टीका अध्यक्षसमेत रहेका चन्द्रकान्त(सीके) राउत प्रतिस्पर्धी जनता समाजवादी पार्टीका अध्यक्ष उपेन्द्र यादवभन्दा दोब्बर मतले अगाडि रहेका छन् ।
अहिलेसम्म गनिएको मतमा राउतले १०२० मत ल्याएका छन् । एमालेसँग तालमेल गरेका जसपा अध्यक्ष यादवले ४५२ मत ल्याएका छन् ।
त्यस्तै तेस्रो स्थानमा लोकतान्त्रिक समाजवादी पार्टीका उम्मेदवार जयप्रकाश ठाकुरले ३०८ मत ल्याएका छन् ।
सप्तरी-२ जनमत पार्टीका अध्यक्ष राउतको गृहनगरसमेत हो । यसअघि स्थानीय तह चुनावमा जनमत पार्टीले सप्तरीका २ वटा स्थानीय तहमा जित हात पारेको थियो।
यस्तै प्रतिनिधिसभाअन्तर्गत सप्तरी क्षेत्र नम्बर १ मा जनमत पार्टीले अग्रता लिएको छ । जनमत पार्टीका उम्मेदवार जयकान्त राउत २ सय ३८ मत प्राप्त गरी अग्रता लिएका हुन् ।
नेपाली कांग्रेसका रामदेव साहले २ सय १४ नागरिक उन्मुक्ति पार्टीकी टीकालक्ष्मी चौधरी २ सय १ र जनता समाजवादी पार्टीका नवलकिसोर साह १ सय ७८ मत प्राप्त गरेका छन् ।
जयकान्त जनमत पार्टीका अध्यक्ष सीके राउतका दाइ हुन् । अध्यक्ष राउत सप्तरी-२ मा निकटतम् प्रतिस्पर्धीभन्दा दोब्बर मतले अगाडि रहेका छन् ।
राउतले १०२० मत प्राप्त गर्दा जसपा अध्यक्ष उपेन्द्र यादवले ४५२ मत प्राप्त गरेका छन् । सप्तरी अध्यक्ष राउतको गृहजिल्लासमेत रहेकाले यहाँ राम्रो प्रदर्शन गर्ने आकलन गरिएको छ ।