अनलाइन डबली
काठमाडौं । नेकपा (माओवादी केन्द्र) सल्यानले अध्यक्ष प्रचण्डका स्वकीय सचिव रमेश मल्ल र टेकबहादुर बस्नेतलाई प्रतिनिधिसभा सदस्य उम्मेदवारमा सिफारिस गरेको छ । जिल्ला पार्टीको बैठकले दुई जनाको नाम सिफारिस गरेको हो ।
अहिले पनि सांसद रहेका बस्नेतले नछोडेपछि दुई जनाकै नाम सिफारिस गरिएको बताइएको छ । अखिल क्रान्तिकारीका पूर्व अध्यक्ष समेत रहेका मल्ललाई एकल सिफारिस गर्न कार्यकर्ताहरुले जोड गरेका थिए तर सहमति नजुटेपछि दुबै जनाको नाम सिफारिस गरिएको एक नेताले बताए ।
त्यसैगरी संघीय क्षेत्रकै लागि समानुपातिकमा कमल विक, दिलमाया बुढामगर र रत्नवबहादुर वलीको नाम सिफारिस भएको छ। प्रदेशसभा ‘क’ तर्फ भीमप्रकाश शर्मा र प्रदेशसभा ‘ख’ तर्फ चित्रबहादुर केसीको नाम सिफारिस भएको नेकपा माओवादी केन्द्र सल्यानले जनाएको छ ।
