अनलाइन डबली
आजको समयमा धेरैजसो मानिस कफी पिउन रुचाउँछन् । कालो कफी पिउनुका धेरै स्वास्थ्य लाभहरू छन् ।
कफीमा भिटामिन बी६, भिटामिन ई, भिटामिन के, प्रोटिन, क्याल्सियम, आइरन, ऊर्जा, म्याग्नेसियम, पोटासियम, फस्फोरस, सोडियम र जिंकजस्ता पौष्टिक तत्वहरू पाइन्छन्, जसले स्वास्थ्यसम्बन्धी समस्याहरू हटाउन मद्दत गर्छ ।
साथै, कालो कफीमा क्याफिनको मात्रा पाइन्छ । कालो कफी पिउनाले तौल घटाउन मद्दत गर्छ । यसबाहेक यसले तनाव कम गर्न मद्दत गर्छ ।
१. तनाव कम गर्छ
तनाव कम गर्न कालो कफी सेवन गर्नु निकै फाइदाजनक मानिन्छ । ब्ल्याक कफीमा क्याफिन पाइन्छ, जुन तनाव कम गर्न लाभदायी हुन्छ । यसका साथै यसले डिप्रेसन, एन्जाइटी, अत्यधिक निद्रा र अल्छी लाग्ने आदि समस्यालाई हटाउन मद्दत गर्छ ।
२. तौल घटाउँछ
तौल घटाउनका लागि ब्ल्याक कफीको सेवन निकै फाइदाजनक मानिन्छ । कालो कफीमा पाइने क्याफिनले मेटाबोलिज्मलाई बढाउँछ, जसले खानाबाट ऊर्जा उत्पादन गर्ने प्रक्रियालाई सुधार गर्न सक्छ । यसले शरीरमा गर्मी पैदा गरी बढ्दो तौललाई नियन्त्रण गर्न मद्दत गर्छ ।
३. मधुमेहको जोखिम कम गर्छ
मधुमेहको जोखिम कम गर्न ब्ल्याक कफी सेवन गर्नु निकै फाइदाजनक मानिन्छ । कालो कफीले शरीरमा इन्सुलिन उत्पादन गर्न मद्दत गर्छ, जसले मधुमेहको जोखिम कम गर्छ ।
४. कलेजो स्वस्थ बनाउन
कलेजोलाई स्वस्थ बनाउन ब्ल्याक कफीको सेवन निकै फाइदाजनक मानिन्छ । दैनिक २ देखि ३ कप कालो कफी पिउनाले कलेजो स्वस्थ हुन्छ । साथै, कलेजो समस्याको जोखिम पनि कम हुन्छ ।
