![](https://onlinedabali.com/wp-content/uploads/2022/05/Baburam-e1653837145808.jpeg)
काठमाडौँ । डा. बाबुराम भट्टराई नेकपा (माओवादी केन्द्र) को चुनाव चिन्ह लिएर चुनाव लड्ने भएका छन् । आइतबार माओवादी अध्यक्ष प्रचण्डसँग भएको भेटमा भट्टरार्इँ माओवादीको चुनाव चिन्ह लिएर चुनाव लड्न तयार भएका हुन् ।
आज विहान ७ बजे बाबुराम प्रचण्ड निवास खुमलटार पुगेका थिए । अध्यक्ष प्रचण्ड र भट्टराईबीच करिब एक घण्टा छलफल चलेको थियो । यसअघि पनि प्रचण्ड र भट्टराईबीच पनि चुनावलाई लिएर छलफल भएको थियो । छलफलमा भट्टराई प्रदेश र प्रतिनिधिसभामा माओवादी चुनाव चिन्हमा चुनाव लड्ने सहमति भएको थियो ।
सहमतिलाई औपचारिक रुप दिन भने बाँकी रहेको बताइएको छ । त्यस्तै, एउटै घोषणापत्र लिएर चुनावमा जाने पनि सहमति भएको छ । बाबुराम अाफू गाेरखाबाट चुनाव लड्ने तयारीमा छन् ।
भट्टराईले जसपाबाट लगल भएर नेपाल समाजवादी केन्द्र पार्टी गठन गरेका थिए । नेपालमा कम्युनिस्टका औचित्य सकिएको भन्दै नयाँ शक्ति बनाएका बाबुराम जसपा हुँदै फेरि माओवादीमै फर्किन लागेको बताइएको छ । चुनाव चिन्ह र घोषणा पत्र एउटै बनाउनु भनेको बाबुराम माओवादीमा फर्किएको नेताहरुले बताएका छन् ।