अनलाइन डबलीकाठमाडौं । सरकारले पेट्रोलियम पदार्थमाथिको घर कटाउन लागेको छ । पेट्रोलियम पदार्थको मूल्य लगातार बढ्न थालेपछि चौतर्फी विरोध भइरहँदा कर घटाउने सरकारले तयारी गरेको छ । पेट्रोलियम पदार्थको मूल्यवृद्धिको विरोधमा सडकमा कार्यक्रम बढ्न थालेको र अन्य सेवा र बस्तुको पनि मूल्य भारी मात्रमा वृद्धि हुन थालेपछि अर्थमन्त्री जनार्दन शर्मा प्रभाकरले कर घटाउने प्रस्ताव गरेका थिए । प्रस्तावमा मन्त्रिपरिषद् बैठकले सैद्धान्तिक दिइसकेको छ ।
पहिलो चरणमा सरकारले इन्धनमा लगाएको १० रुपैयाँ कर घटना लागेको छ । त्यसपछि थप कर घटान सकिने अवस्थाबारे छलफल हुन सक्ने बताइएको छ । त्यस्तै सरकारले पेट्रोलियम पदार्थको मूल्य समायोजन गर्न कार्यदल गठन गरेको छ । उद्योग, वाणिज्य तथा आपूर्ति मन्त्रालयका अनुसार सरकारले राष्ट्रिय योजना आयोगको उपाध्यक्षको नेतृत्वमा कार्यदल गठन गरेको छ ।
मन्त्रि परिषद्ले सैद्धान्तिक अनुमति दिइसकेपछि अर्थमन्त्रालयले पेट्रोलियम पदार्थको मूल्य घटाउनेबारे गृहकार्य सुरु गरेको बताइएको छ । बजेट भाषणपछि लगत्तै पेट्रोलियम पदार्थको मूल्य घट्न सक्ने बताइएको छ ।
कार्यदलले अर्थतन्त्रको समग्र क्षेत्रमा पारेको प्रभाव तथा नेपाल आयल निगमको कार्य सञ्चालन वित्तीय व्यवस्थापन तथा व्यापार विविधीकरण लगायत क्षेत्रमा सुधार गर्ने विषयमा अध्ययन गर्ने र अध्ययनपछि उक्त प्रतिवेदन सरकारलाई बुझाउने मन्त्रालयको तयारी छ ।
पेट्रोलियम पदार्थको मूल्यमा भएको वृद्धिका कारणले सर्वसाधारणलाई पर्न गएको असुविधालाई ध्यानमा राखेर सरकारले पेट्रोलियम पदार्थको मूल्य घटाउने निर्णय गरिसकेकोले विरोधमा भइरहेका कार्यक्रम स्थगित गर्न मन्त्रालयले आग्रह गरेको छ ।
मूल्यवृद्धिको विरोधमा अखिल क्रान्तिकारीसहित संयुक्त विद्यार्थी आन्दोलनले साँझा कार्यक्रम बनाएको छ । त्यस्तै नेकपा बहुमतले पनि चरणवद्ध संघर्षका कार्यक्रम सार्वजनिक गरेको छ । धर्मेन्द्र बास्तोला नेतृत्वकोनेकपा बहुमतले सिठी जुलुसदेखि चक्का जामसम्मका कार्यक्रम सार्वजनिक गरेको
