काठमाडौँ । नेकपा (एमाले) नआएपछि बागमती प्रदेशसभा बैठक दुई घण्टा पछि सरेको छ । मुख्यमन्त्री अष्टलक्ष्मी शाक्यले विश्वासको मत लिने प्रयोजनको लागि आज बोलाइएको प्रदेशसभा बैठकमा एमाले सांसद नआएपछि बैठक सारिएको हो ।
प्रदेशभा बैठक आज दिउँसो १ बजे बोलाइएको थियो । प्रदेशसभा सचिवालयका अनुसार बैठक ३ बजे बोलाइएको छ ।
आफ्नो नेतृत्वको सरकार अल्मतमा परेपछि बैठकमा सहभागी हुन विभिन्न बहानाबाजी गरिरहेको छ । एमाले वडा अधिवेशन देखाउँदै आजको बैठक कात्तिक ११ गते सार्न भनेको थियो ।
सभामुखले बैठक सार्न नमानेपछि एमाले सांसदहरु प्रदेशसभामा अहिलेसम्म अनुपस्थित छन् । तर प्रदेश सरकार प्रवक्ता तथा भौतिक पूर्वाधारमन्त्री केशवराज पाण्डेले भने एमाले सांसदहरु बिहीबारको बैठकमा सहभागी हुने बताएका छन् ।
आजको प्रदेशसभा बैठकमा मुख्यमन्त्री अष्टलक्ष्मी शाक्यले विश्वासको मत लिने कार्यसूची छ ।
