काठमाडौं । नेकपा (माओवादी केन्द्र) का संगठन विभाग प्रमुख जनार्दन शर्मा ‘प्रभाकर’ पूर्ण समानुपातिक निर्वाचन प्रणालीमा जानुपर्ने बताएका छन् ।
प्रभाकरले अबको चुनावमा ठूलो धनराशी अवस्था सिर्जना भएको बताउँदै प्रभाकरले पूर्ण समानुपातिक निर्वाचन प्रणालीमा मात्र दलितलगायत सीमान्तकृत समुदायका जनताले नीति निर्माणको तहमा प्रतिनिधित्व गर्न सक्ने बताए । उनले ठूलो धनराशी खर्चिएर चुनाव जित्ने अवस्था नभएको बताउँदै समावेशी समानुपातिक सिद्धान्तको वास्तविक मर्म पूर्ण समानुपातिक निर्वाचन प्रणालीमा मात्र सम्बोधन सक्ने बताए ।
मंगलबार पेरिसडाँडामा आयोजित पार्टी निकट नेपाल दलित मुक्ति मोर्चा केन्द्रीय समितिको पूर्ण बैठकलाई सम्बोधन गर्दै प्रभाकरले संगठनको स्वरुप परिवर्तन गर्नुपर्ने आवश्यकता भएको बताए । माओवादी केन्द्रका संगठन विभाग प्रमुख समेत रहेका प्रभाकरले पार्टी र जनवर्गिय संगठनहरुका हरेक इकाईलाई उत्पादन इकाईको रुपमा बदल्नुपर्ने धारणा राखे ।
‘उत्पादनसँग जोडिएको संगठन भएन भने समाजवादमा जान नसक्ने बताउँदै प्रभाकरले हरेक कार्यकर्ता तिनको परिवारलाई आर्थिक रुपले आत्मनिर्भर बनाउनु पर्नेमा जोड दिए । त्यसको लागि संगठनको हरेक इकाइलाई उत्पादनसँग जोड्नु पर्नेमा उनले जोड दिए ।
पार्टीको नीति निर्माण तहमा दलित समुदायको उचित प्रतिनिधित्वको लागि १५ प्रतिशत आरक्षणको व्यवस्था गरिएको भएपनि त्यसलाई कार्यान्वयन गर्न सेल कमिटी र टोल कमिटीहरुबाटै दलित प्रतिनिधित्व सुनिश्चित गर्दै लैजान आग्रह गरे ।
- फाइल फाेटाे
