काठमाडौं । नेपाल कम्युनिस्ट पार्टी (नेकपा) को विवादबारे सर्वोच्च अदालतको फैसला पुनरावलोनको लागि निवेदन परेको छ । नेकपा (माओवादी केन्द्र)का अध्यक्ष प्रचण्ड आधा दर्जन नेताहरुसहित मंगलबार निवेदन बोकेर सर्वोच्च अदालत पुगेका छन् ।
सर्वोच्च अदालतले फागुन २३ मा गरेको फैसला पुनरावलोकनका लागि प्रचण्डसँगै नेताहरु नारायणकाजी श्रेष्ठ, कृष्णबहादुर महरा, गिरिराजमणि पोखरेल, जनार्दन शर्मा, शक्ति बस्नेतलगायतका नेताहरु मंगलबार सर्वोच्च अदालत पुगेका छन् ।
सर्वोच्चले (नेकपा) विवादमा निवेदकको माग दावीभन्दा बाहिर गरेर फैसला गरेको भन्दै नेकपा माओवादी केन्द्रले पुनरावलोकनको मागसहित निवेदन दर्ता गर्ने भएको छ ।
सर्वोच्चले गत फागुन २३ गते नेकपा विवादबारे फैसला सुनाउँदै ऋषि कट्टेल नेतृत्वको नेकपालाई आधिकारिक मान्दै नेकपा एमाले र नेकपा माओवादी केन्द्र मिलेर बनेको नेकपालाई अमान्य ठहर गरेको थियो ।
सोही फैसलामा नेकपा एमाले र माओवादी केन्द्रलाई साविककै अवस्थामा फर्काइएको थियो ।
