काठमाडौं । पत्रकार विद्यार्थी संगठन,नेपालको प्रथम राष्ट्रिय सम्मेलन काठमाडौं हुने भएको छ । संगठनको हालै बसेको बैठकले २०७८ असार १५ र १६ गते काठमाडौंमा प्रथम राष्ट्रिय सम्मेलन गर्ने निर्णय गरेको हो ।
जनपक्षीय,श्रमजीवी र वर्गीय एवम् राष्ट्रिय पत्रकारिताका लागि हाम्रो आन्दोलन , पत्रकार विद्यार्थी संगठन नेपालको प्रथम राष्ट्रिय सम्मेलन भन्ने मुल नाराका साथ राष्ट्रिय सम्मेलन काठमाडौंमा गर्ने निर्णय भएको संयोजक मुक्ति गैरेले जानकारी दिए ।
संगठनको काठमाडौंमा बसेको केन्द्रीय बैठकले सम्मेलनको मिति तय गर्दै संयोजक गैरेको नेतृत्वमा १९ सदस्य प्रथम राष्ट्रिय सम्मेलन आयोजक समिति पनि गठन गरेको छ ।
त्यसैगरी बैठकले सातै प्रदेशमा संयोजक समेत तोकेको छ । जसमा बागमती प्रदेशमा सपना कुँवर, गण्डकी प्रदेशमा अम्मरराज पाण्डे,लुम्बिनी प्रदेशमा किशोर शाही, कर्णाली प्रदेश र सुदूरपश्चिम संयोजकमा जनक शाहीलाई जिम्मा दिएको छ । त्यस्तै, अन्तर्राष्ट्रिय विभाग तथा कार्यालय सचिवमा मोहन बहादुर नेपाली चयन गरेको छ ।
