काठमाडौं । दोलखा जिल्ला साविकको लाकुरीडाँडा गाविस वाड नं. ८/७ भिमेश्वर नगरपालिका वड नम्बर ९ आहाल डँडामा सार्वजनिक जग्गामा गैर कानुनी रुपमा वडा अध्यक्ष चित्रबहादुर भुजेल स्थानिय वासीहरुलाई घर टहरा बनाउन लागएको स्थानिय वासीले गुनासो गरेका छन् ।

हालै सरकारले दलित, सुकुम्बासी, भूमिहिन तथा अव्यवस्थित वासीहरुलाई जग्गाको व्यवस्था गर्ने निर्णयसँगै देशभरी सार्बजनिक तथा सरकारी जमिनमा धमाधम घरटहराहरु बनाउने लहर चलेको छ । सरकारले उनिहरुलाई जग्गा उपलब्ध गराउन निश्चित मापदण्ड पनि तोकेको छ, तर त्यस सरकारी निर्णयलाई आधार मानेर आहाल डाँडा स्थित सो सरकारी जग्गामा घरटहरा बनाउन वडा ध्यक्ष स्वयमले अनुमति दिएको अनलाईन डबलीसंगको कुराकानीमा स्वीकार गरे । जिल्ला प्रशासन कार्यालय दोलखाले पनि सो अनधिकृत घरटहराहरुलाई हटाउन आदेशसमेत गर्दा पनि भूजेलले अटेर गरेको पाइन्छ, यस सम्बन्धमा उनिसँग कुरा गर्दा पत्रकारहरु टाढाबाट छलफल गर्ने भन्दा पनि फिल्डमा आएर बस्तु स्थिति बझ्नु पर्ने जिकिर गर्दै भने,“तपाइहरुले आन्तरिक कुरा बुझ्नु नै भएको छैन, बरु सत्य कुरा के हो भने स्थानियले गरि खान्छु भने गर्न दिएँ ।”