काठमाडौं । उद्योग, वाणिज्य तथा आपूर्तिमन्त्री लेखराज भट्टले लकडाउन खुलेपछि बजारमा बजारमा मूल्यवृद्धि नभएको बताएका छन् । उनले लामो समयसम्मको लकडाउन पछि खुलेको बजारमा खाद्यान्नलगायत दैनिकरुपमा प्रयोगमा आउने वस्तुमा महंगी नभएको बताए ।
नेपाल चेम्बर अफ कमर्सको ७० औं दिवसका अवसरमा मंगलबार काठमाडौंमा आयोजित कार्यक्रममा बोल्दै मन्त्री भट्टले विश्व बजारमा नै केही वस्तुमा मूल्यवृद्धि भएकाले नेपालमा पनि एक-दुईओटा वस्तुमा मूल्यवृद्धि भएको बताए । बजार आफ्नो गतिमा गएको अगाडि बढेको बताउँदै मन्त्री भट्टले समस्या नआएको बताए ।
अहिलेको परिस्थितिमा व्यापार घाटालाई कसरी घटाउन सकिन्छ भन्नेमा मन्त्रालयको ध्यानकेन्द्रित भएको बताउँदै मन्त्री भट्टले निर्यात कसरी बढाउने, उत्पादनलाई कसरी बढाउने र लगानीलाई कसरी भित्र्याउने भन्ने विषय नै देशका लागि महत्वपूर्ण भएको बताए । आफूले मन्त्रालय सम्हालेदेखि व्यवसायमैत्री वातावरण बन्दै गएको उनको दाबी थियो ।
त्यसैगरी मन्त्री भट्टले कर र राजस्वका विभिन्न विषयमा सुधार गरी उद्योग र व्यापार सञ्चालन गर्ने वातावरण निर्माण गर्न सरकार तत्पर रहेको बताए ।
- फाइल फोटो
