गोरखा । बुधबार राति गाेरखामा जीप दुर्घटना हुँदा वडा सचिवको मृत्यु भएको छ भने उपाध्यक्ष घाइते भएकी छन् । गोरखाकाे मान्बुमा दुर्घटनामा परी धार्चे गाउँपालिका–६ का वडा सचिव किरण रिमालको घटनास्थलमै मृत्यु भएको छ । रिमालको घर लमजुङ हो ।
ग १ ज ५५०५ नम्बरको बोलेरो जीप दुर्घटनामा परी सोही गाउँपालिकाकी उपाध्यक्ष फूलमाया गुरुङसहित सात जना घाइते भएका छन् । काशी गाउँमा आयोजना गरिएको अपाङ्ग परिचयपत्र वितरण कार्यक्रमका लागि उपाध्यक्ष गुरुङ र कर्मचारीसहितको टोली मान्बु जाँदै थिए । त्यही क्रममा उनीहरुले प्रयोग गरेको दुर्घटना भएको थियो ।
घाइतेहरुलाई स्थानीय स्वास्थ्य केन्द्रमा प्राथमिक उपचारपछि काठमाडौं ल्याउने तयारी भइरहेको छ ।
- फाइल फोटो
