काठमाडौँ । नेपाल कम्युनिस्ट पार्टीका पूर्व केन्द्रीय सदस्य गुणराज लोहनी रिहा भएका छन् । मार्क्सवादी लेखक समेत रहेका लोहनीलाई प्रहरीले १३ दिनअघि चितवनबाट गिरफ्तार गरेको थियो ।

लोहनीलाई आइतबार जिल्ला प्रशासन कार्यालय चितवनले ५ हजार धरौटीमा आइतबार रिहा गरेको छ । रिहा भएपछि हनीले हजारौँ शहिदहरुको बलिदानबाट प्राप्त गणतन्त्रले आफुलाई फरक राजनैतिक आस्था राखेकै कारण गिरफ्तार गरेको बताएका छन् । लोहनी सहिद परिवार समेत हुन् । जनयुद्धमा उनकी जीवन साथी उर्मिलाले सहिद भएकी थिइन् ।

लामो समयदेखि लोहनी स्वास्थ्यका कारण उपचाररत छन् । स्वास्थ्य समस्याकै कारण नेकपाको पछिल्लो बैठकले केन्द्रीय समितिबाट बिदाई गरेको थियो ।