अनलाइन डबली
काठमाडौँ । सभामुखमा डीपी अर्याल निर्विरोध निर्वाचित भएका छन् । रास्वपाका उपासभापति समेत रहेका अर्यालको मात्रै सभामुखको लागि उम्मेदवारी परेकोले निर्विरोध निर्वाचित भएका हुन् ।
संघीय संसद् सचिवालयले आज बिहान ११ बजेदेखि २ बजेसम्म उम्मेदवारी दर्ताका लागि समय तोकेको थियो ।
नेपाली काँग्रेस, नेकपा एमाले, नेकपा, राप्रपा र श्रम संस्कृति पार्टीले उम्मेदवारी नदिएका कारण अर्याल निर्विरोध निर्वाचित भएका हुन् ।
सभामुख अर्यालको शपथ चैत २२ गते दिउँसो ३ बजे हुने भएको छ । राष्ट्रपति कार्यालयले आइतबार दिउँसो ३ बजे राष्ट्रपति रामचन्द्र पौडेलले सभामुख अर्याललाई पद तथा गोपनीयताको शपथ खुवाउने कार्यक्रम तय भएको छ ।
