काठमाडौँ । समाजवादी मोर्चाले देशभर जनसंघर्ष र अन्तरक्रिया कार्यक्रम गर्ने निर्णय गरेको छ ।

मंगलबार बसेको मोर्चाको बैठकले देशमा व्यापक निरासा र आक्रोस बढेको निष्कर्ष निकाल्दै सीमाहरूलाई निर्ममतापूर्वक सच्याएर समाजवादी कार्यक्रम ल्याउने निर्णय गरेको छ ।

नेकपा एकीकृत समाजवादीको कार्यालयमा बसेको मोर्चाको बैठकले भदौको अन्ततिर देशव्यापी कार्यक्रम गर्ने समेत निर्णय गरेको छ । जनसङ्घर्ष र अन्तरक्रिया कार्यक्रमलाई सँगसँगै लैजाने निर्णय गरेको नेताहरुले बताएका छन् ।