काठमाडौँ । मौसम बदली भएसँगै उच्च हिमाली क्षेत्रमा हिमपात भएको छ ।

आइतबार साँझदेखि मौसममा आएको फेरबदलका साथै दिउँसो हावाहुरी सुरु भएपछि गए रातिदेखि हिमपात सुरु भएको हो ।

हुम्लामा हिमपात भएको छ । जिल्लाका अधिकांश क्षेत्रमा एक फिटदेखि हिउँ परेको स्थानीयले बताएका छन् ।

सदरमुकाम सिमकोटलगायत क्षेत्रमा अहिले पनि हिमपात भइरहेको बताइएको छ । हिमपात भएसँगै किसानहरु खुशी भएका छन् ।

त्यसैगरी सुदूरपश्चिमका कैलाली लगायत जिल्लाका केही क्षेत्रमा बर्षा भएको छ भने बझाङ, डडेल्धुरा, दार्चुलामा हिमपात भइरहेको छ ।