अनलाइन डबली
काठमाडौँ । नेपाली काँग्रेसको किल्लाको रुपमा रहेको मोरङको ग्रामथान गाउँपालिकामा माओवादी केन्द्रले जित निकालेको छ ।
एमाले र काँग्रेसले जित्दै आएको ग्रामथानमा माओवादी उम्मेदवार नमोनारायण माझी विजयी भएका छन् । माझीले ६९७९ मत ल्याएर काँग्रेसका बलराम सरदारलाई पराजित गरेका छन् ।
निर्वाचन आयोगका अनुसार काँग्रेसका सरदारले ५३३३ पाएका छन् भने एमालेबाट उम्मेदवार बनेका तुलसीराम विश्वासले ४१५९ मत मात्रै पाएका छन् ।
संघीय निर्वाचन क्षेत्रमा लगातार माओवादीबाट अमनाल मोदी विजयी हुँदै आएका छन् । त्यो भन्दा पहिला भने काँग्रेस नेता महेश आचार्यले निर्वाचन जित्दै आएका थिए ।
