अनलाइन डबली
काठमाडौँ । प्रमुख प्रतिपक्षी दल नेकपा (माओवादी केन्द्र) का अध्यक्ष प्रचण्डले संसदका प्रतिपक्षी दलहरूको बैठक बोलाएका छन्।
सरकारले बाढी पहिरोबाट भएको क्षति र पीडितको उद्दार राहतमा सरकारले गैरजिम्मेवारीपन प्रस्तुत गरेको भन्दै प्रचण्डले छलफल गर्न विपक्षी दलहरुको बैठक बोलाएका हुन् ।
प्रचण्डको सचिवालयका अनुसार बैठक नयाँ बानेश्वरस्थित संघीय संसद् भवनमा बोलाइएको छ ।
बैठकमा पछिल्लो समसामयिक राजनीतिक विषयमा पनि नेताहरुबीच छलफल हुने बताइएको छ ।
बैठकमा रास्वपा, राप्रपा, एकीकृत समाजवादी, जसपा, नेपाललगायतलाई बोलाइएको छ।
सरकारले बाढी पहिरो पीडितको उद्दार, राहत र पुर्ननिर्माणमा औपचारिकता पूरा गर्ने कार्य मात्रै गरेको भन्दै विपक्षी दलहरुले विरोध जनाउँदै आएका छन् ।
