अनलाइन डबली
काठमाडौं । कोशी प्रदेशमा डेङ्गी संक्रमण बढ्दै गइरहेको छ । साउन यता १ हजार ६५ जना सङ्क्रमित भइसकेको छन् । सबैभन्दा धेरै मोरङमा संक्रमित भेटिएका छन् । बढ्ने क्रम जारी रहेको स्वास्थ्य संस्थाहरुले जनाएका छन् । साउन यता मोरङमा ५ सय ३२ जना र झापामा १ सय २८ जनामा डेङ्गी संक्रमण भएको पुष्टि भएको छ ।
डेङ्गी संक्रमितमध्ये झापामा २ जनाको मृत्यु भइसकेको छ । हल्दिबारी–३ की ४२ वर्षीया विमला दाहाल पौडेल र विर्तामोड–४ का आठ वर्षीय आलोकजङ्ग बस्नेतको डेङ्गीबाट ज्यान गइसकेको छ रहेका छन् । झापामा साउन १ गतेयता सङ्क्रमितको सङ्ख्या
त्यसैगरी धनकुटा र सुनसरीमा डेङ्गीका सङ्क्रमित संख्या पनि धेरै पाइएको छ भने ताप्लेजुङमा भने डेङ्गीको एकजना पनि सङ्क्रमित पाइएको छैन । धनकुटामा ८० र सुनसरीमा ७० जनामा डेङ्गीको सङ्क्रमण भएको छ ।
स्वावस्थ्य निर्देशनालयका अनुसार उदयपुरमा ६९ जना, भोजपुरमा ६८, सङ्खुवासभामा ६७, ओखलढुङ्गामा २९, पाँचथरमा २१, सोलुखुम्बुमा ६, इलाममा पाँचजना, खोटाङमा चारजना र तेह्रथुममा दुईजनामा डेङ्गी सङ्क्रमण भएको पाइएको छ ।
