अनलाइन डबली
काठमाडौँ । युक्रेनको पोल्टाभामा रुसी मिसाइल आक्रमणमा हालसम्म ५१ जनाको मृत्यु भएको छ । पोल्टावा युक्रेनको दोस्रो ठूलो सहर खार्किभबाट १३० किलोमिटर टाढा छ । यो सहर युद्धको अग्रपंक्तिमा छैन, तर पनि यो लामो दूरीको मिसाइलको प्रभावमा आउँछ ।
रुसले आक्रमण गरेको मिसाइल इस्कन्डर एम ब्यालेस्टिक मिसाइल हो जसले ५०० किलोमिटरसम्म मार हान्न सक्छ । यो मिसाइलमा ७०० केजी विस्फोटक हुन सक्छ । गए राति युक्रेनी सेनाले क्राइमियाबाट इस्कन्डर मिसाइल प्रहार भएको बताएको थियो ।
पोल्टावा रुसी सिमानाबाट १४० किलोमिटर टाढा छ । यहाँ रुसले गरेको हमलामा ५० भन्दा बढीको मृत्यु भएको युक्रेनले दाबी गरेको छ ।
यही कारणले गर्दा युक्रेनको रक्षा मन्त्रालयले पोल्टावाका लागि यो डरलाग्दो दिन भएको बताएको छ । हवाई आक्रमणको साइरन र मिसाइल आक्रमणको बीचमा यति थोरै समय रहेकोले मन्त्रालयले बम सेल्टरमा जाने क्रममा मानिसहरु घाइते भएको बताएको छ ।
यसैबीच नेटाेले रूसी मिसाइल राेक्न वा बीचमै खसाल्न नमिल्ने बताएकाे छ । युक्रेनका राष्ट्रपति भाेलिदिर जेलेन्स्कीपछि पाेल्याण्डका विदेशमन्त्री रूसले हमला गर्ने मिसाइल बीचमै खसाल्न नेटाेसँग माग गरेका थिए ।
युक्रेन र पाेल्याण्डकाे मागअनुसार नेटाेले याे कार्य गर्न नमिल्ने बताएकाे छ । रूसकाे मिसाइल खसाले नेटाे देशहरूबीच नै फाटाे पर्ने भन्दै नेटाेले याे माग पूरा गर्न नसकिने बताएकाे छ ।
नेटाेकाे याे भनाइपछि जेलेन्स्की झन् तनावमा परेकाे बताइएकाे छ ।
