अनलाइन डबली
काठमाडौं । सरकारले सामाजिक सद्भाव भड्काउने र अश्लिल गतिविधिहरु बढेको भन्दै १० महिनाअघि सामाजिक सञ्जाल टिकटकमाथि लगाएको प्रतिबन्ध आजदेखि हटाउने तयारी गरेको छ ।
सञ्चार तथा सूचना प्रविधि मन्त्रालयले टिकटकमाथिको प्रतिबन्ध हटाउने निर्णय गर्दै मन्त्रीपरिषदमा पठाएको र आज बस्ने मन्त्रिपरिषद् बैठकले पारित गर्ने शूत्रले बताएको छ ।
आज बस्ने मन्त्रिपरिषद्ले निर्णय गरेसँगै देशभर प्रतिबन्धित भएको टिकटक सहजै चलाउन पाइने छ ।
गत वर्षको असोज २७ गते टिकटकले नेपालकाे कानुनकाे पालना नगरेपछि प्रचण्ड नेतृत्वको सरकारले प्रतिबन्ध लगाउने निर्णय गरेको थियो । त्यसपछि टिकटसँगका प्रतिनिधि नेपाल पुगेर पटकपटक वार्ता समेत भएकाे थियाे ।
उक्त वार्ताकाे क्रममा टिकटकले नेपालकाे कानुनअनुसार चल्ने प्रतिवद्दता जनाइसकेकाे थियाे । प्रचण्ड नेतृत्वकै सरकारका पालामै टिकटकमाथिकाे प्रतिबन्ध फुकुवा गर्ने प्रक्रिया सुरू भइसकेकाे थियाे ।
