अनलाइन डबली
काठमाडौँ । नेकपा माओवादी केन्द्रको स्थायी समिति बैठकमा नेताहरूले धारणा राख्ने क्रम सकिएको छ ।
पाँच दिनसम्म चलेको बैठकमा नेताहरुले बोल्ने क्रम मंगलबार आज सकिएको छ । बैठकमा २१ जना पदाधिकारीसहित २२ जना स्थायी समिति सदस्य, केन्द्रीय निकायका प्रमुख लगायतले आआफ्ना धारणा राखेका थिए ।
बैठकमा अध्यक्ष प्रचण्डले राखेको ‘वर्तमान परिस्थिति र पार्टी रूपान्तरणको नयाँ कार्यभार’ सम्बन्धी मौखिक प्रस्ताव राखेका थिए ।
अर्को बैठक विहीबार बस्ने भएको छ । बुधबार संसदमा टीआरसीसम्बन्धी छलफलमा हुने भएकोले बैठक स्थगित गरिएको छ ।
विहीबार बस्ने बैठकमा नेताहरुको राखेका धारणा र नयाँ कार्ययोजनाबारे अध्यक्ष प्रचण्डले जवाफ दिने नेताहरुले बताएका छन् ।
