काठमाडौं । नेकपा माओवादी केन्द्रको स्थायी कमिटी बैठकमा आजबाट एजेण्डामा छलफल हुनेछ ।

स्थायी कमिटी बैठक शुक्रबारबाट पार्टी केन्द्रीय कार्यालय पेरिसडाँडामा सुरु भएको थियो । त्यसअघि पदाधिकारी बैठकले चार एजेण्डा तय गरेको थियो ।

प्रवक्ता अग्निप्रसाद सापकोटाका अनुसार पहिलो दिनमा बैठकमा एजेण्डा प्रस्तुत मात्रै भएको र आजबाट एजेण्डामा छलफल सुरु हुनेछ ।

सापकोटाले बैठकमा अध्यक्ष प्रचण्डले पछिल्लो राजनीतिक परिस्थितिबारे ब्रिफिङ गरेको पनि जानकारी दिए ।

एजेण्डाहरुमा वर्तमान परिस्थितिबारे ब्रिफिङ वैचारिक, राजनीतिक, सांगठनिक परिस्थिति र हाम्रो कार्यभार र विविध रहेको छ । एजेण्डा प्रस्तुत गर्दै अध्यक्ष प्रचण्डले संक्षिप्तमा ब्रिफिङ गरेको सापकोटाले बताए ।