अनलाइन डबली
काठमाडौँ । हमाससँग गरेको युद्ध बिरामको मसी सुक्न नपाउँदै इजरायलले त्यस विरोधी गतिविधि सुरु गरेको छ । इजरायलले हमासले उपयोग गरेको बताउँदै आएको इजिप्ट र गाजा बीचको रफाह सीमा नाका कब्जा गरेको छ ।
एकातिर युद्धबिराम अर्कोतिर इजरायली प्रधानमन्त्री बेन्जामिन नेतान्याहु आफ्ना सेनालाई मैदानमा उतारिरहेका छन् । अन्तर्राष्ट्रिय समुदायको चर्को दबाबमा रहेको इजरायलका नेतान्याहूले इजरायली सैनिकहरु अत्याधुनिक हतियारसहित रफाह सीमा नाका पठाएका थिए ।
हमासले कतारको मध्यस्थतामा युद्धविराम सम्झौतालाई स्वीकार गरेको थियो, त्यसको केही समयपछि इजरायलले रफाह नाका बब्जा गरेको अन्तर्राष्ट्रिय संचारमाध्यमहरुले बताएका छन् । सहमतिअनुसार हमासले ३३ बन्धकहरुलाई रिहा गर्ने र एक बन्धक बराबर इजरायलले ६० प्यालेस्टिनीहरूलाई रिहा गर्नुपर्ने छ । महिला, बालबालिका र ५० वर्षभन्दा माथिका वृद्धहरूलाई पहिलो प्राथमिकतामा राखेर दुबै पक्षले बन्धकलाई रिहा गर्नुपर्ने उल्लेख छ ।
सुरुमा युद्धविरामेका प्रस्ताव गरेको इजरायलले अहिले कतार, इजिप्ट र अमेरिकी अधिकारीहरूको पहलमा भएको युद्धविराम सम्झौतालाई अस्वीकार गरेको छ ।
इजरायली सेनाले सोमबार र मङ्गलबारको बीचमा दक्षिणी गाजा र रफाहमा जना नागरिकको हत्या गरेको छ । इजरायली सेनाले रफाहको अल अबरार मस्जिदमा पनि हमला गरेको छ । जहाँ गाजामा निरन्तरको हमलाबाट बच्न स्थानीय सो स्थानमा आश्रय लिइरहेका थिए ।
