अनलाइन डबली
काठमाडौँ । रुसी राष्ट्रपति भ्लादिमिर पुटिन र इरानी राष्ट्रपति इब्राहिम रायसीबिच फोन बार्ता भएको छ ।
सिरियास्थित बाणिज्य दुतावासमा इजरायलले गरेको हमलाको प्रतिबाद गर्दै इरानले जवाफी ड्रोन र क्षेप्यास्त्र आक्रमण गरेको केही दिनमा रूसी राष्ट्रपतिले फोन बार्ता गरेका हुन् ।
राष्ट्रपति पुटिनले इरानी राष्ट्रपति इब्राहिमसँगको फोन बार्ताको क्रममा इजरायसँगको विषयमा सयंमता अपनाउन आग्रह गर्दै आइपरे साथ दिने बचन दिएको अन्तर्राष्ट्रिय संचारमाध्यमहरुले बताएका छन् ।
दुवै नेताले अप्रिल १ मा सिरियाको राजधानी दमास्कसमा इरानी वाणिज्य दूतावासमा इजरायली आक्रमण पछि क्रेमलिनले इरानले उठाएका प्रतिशोधात्मक उपायका बारेमा छलफल गरेको अल जजिराले जनाएको छ ।
पुटिनले सबै पक्षहरूलाई नयाँ द्वन्द्व सुरु गर्ने कार्यबाट टाढा रहन आग्रह गरेका छन । जुन सम्भावित युद्दले मध्य पूर्वको लागि विनाशकारी परिणाम ल्याउनेछ, क्रेमलिनले भनेको छ ।
इरानले दमास्कसमा इजरायली हमलाको जवाफमा शनिबार इजरायलमा सयौं ड्रोन र मिसाइलहरू प्रहार गरेर प्रतिक्रिया दिएको हो । इजरायली हमलामा दुई जनरलसहित इस्लामिक क्रान्तिकारी गार्ड कोरका सात अधिकारीहरूलाई मारिएका थिए ।
पुटिनले इरानको आक्रमणको बारेमा आफ्नो पहिलो सार्वजनिक रूपमा प्रसारित टिप्पणीमा भने, ‘मध्यपूर्वमा वर्तमान अस्थिरताको मूल कारण इजरायल–प्यालेस्टाइनको निरन्तर संघर्ष हो।’
