काडमाडौँ । कर्णाली प्रदेशको मुख्यमन्त्रीमा नेकपा एमाले प्रदेश संसदीय दलका नेता यामलाल कँडेलले दाबी पेस गरेका छन् । नेकपा माओवादी केन्द्रसहित गठबन्धन दलको समर्थन कँडेलले दाबी पेस गरेका हुन् ।
दाबी पेश गर्ने समय सकिन केही समय मात्र बाँकी रहँदा कँडेलले बहुमत प्रदेशसभा सदस्यको हस्ताक्षरसहित मंगलबार साँझ प्रदेश प्रमुख तिलक परियारसमक्ष दाबी गरेका थिए ।
पावर सेयरिङमा कँडेलले गठबन्धन दलका नेताहरुलाई विश्वासमा लिन नसक्दा अन्तिम समयमा दाबी पेश गरे ।
केन्द्रमा नयाँ समिकरण बनेसँगै मुख्यमन्त्री राजकुमार शर्माले राजीनामा दिएका थिए । त्यसपछि प्रदेश प्रमुख परिवारले चैत २१ मा प्रदेश प्रमुख परिवारले बुधबारसम्मको समय दिएर बहुमतको सरकार गठन गर्न आह्वान गरेका थिए ।