अनलाइन डबली
काठमाडौं । आज तराई-मधेसमा होली मनाइँदै छ। हिजो पहाडी तथा हिमाली क्षेत्रमा होली मनाइएको थियो ।
पहाड-हिमाली क्षेत्रमा होली मनाएको भोलिपल्ट तराई-मधेसमा होली मनाउँदै आएको छ ।
वसन्त ऋतुको आगमनसँगै आपसी मेलमिलाप र सदभावको सन्देश लिइ आउने फागु पर्व आज परम्परागत रूपमा विभिन्न रङ र लोला खेली मनाउने प्राचीन परम्परा छ ।
त्रेता युगमा दैत्यराज हिरण्यकश्यपुले विष्णुभक्त आफ्ना पुत्र प्रह्लादलाई मार्ने उद्देश्यले ब्रह्माबाट आगोले छुन नसक्ने वरदान पाएकी आफ्नी बहिनी होलिकालाई प्रह्लादका साथ दन्किरहेको आगोमा पस्न लगाउँदा होलिका आफैँ भष्म भएकी तर भक्त प्रह्लादलाई आगोले छुन नसकेको कथा यो पर्वसँग जोडिएको छ ।
तराई क्षेत्रमा होलीमा गाइने जोगिरा गीत गाउने चलन छ भने आफन्तहरू मिलेर रंगहरु दलेर एक आपसमा खुसीयाली साटासाट गर्ने चलन रहँदै आएको छ ।
होलीका अवसरमा आज तराई- मधेसका जिल्लामा सरकारले सार्वजनिक बिदा दिएको छ ।
