अनलाइन डबली
काठमाडौं । रुसी सेनाले युक्रेनको राजधानी किभमा ठूलो हमला गरेको छ । रुसी सेनाले एकै पटक दर्जनौं मिसाइल प्रहार गरेको अन्तर्राष्ट्रिय संचारमाध्यमहरुले जनाएका छन् ।
रुसी सेनाले पछिल्ला दिनमा किभमा यति ठूलो हमला गरेको थिएन् । रुसको हवाई हमलाको अगाडि अमेरिका र नेटोले दिएको प्रतिरक्षा प्रणाली फेल भएका छन् ।
मस्कोमा आतंकवादी हमला भएपछि रुसले युक्रेनमा थप हमला गरेको छ । आतंकवादीहरु युक्रेनतिर भाग्न थालेका थिए । हमलामा युक्रेन र पश्चिमा देशहरुको हात रहेको रुसले दाबी गरेकङ्को छ ।
राजधानी किभमा हमला भएको युक्रेनी सेनाले समेत पुष्टी गरेको छ । उसले कडा जवाफ दिएको दाबी गरेको छ ।
किभबासी बंकरभित्र पसेका छन् भने युक्रेनले आइतवार पूरै देशभरमा अलर्ट जारी गरेको छ ।
रुसको सेनाले शनिवार बिहान ५ बजेबाट किभमा हमला सुरु गरेको थियो र अहिलेसम्म जारी रहेको छ । त्यसअघि शुक्रवार पनि रुसले दर्जनौं मिसाइल प्रहार गरेको थियो ।
