अनलाइन डबली
काठमाडौँ । प्रधानमन्त्री प्रचण्डसँग र नागरिक उन्मुक्ति पार्टीका नेताहरुले भेटवार्ता गरेका छन् । अध्यक्ष रञ्जिता श्रेष्ठसहितका नेताहरुले शनिबार विहान प्रधानमन्त्री निवास बालुवाटार पुडेर भेटवार्ता गरेका हुन् ।
भेटमा प्रधानमन्त्री प्रचण्डले नाउपालाई संघ र प्रदेशमा सरकारमा सहभागी हुनेबार छलफल भएको नेताहरुले बताएका छन् ।
छलफलमा सहभागी नाउपाका नेता रामलाल डंगौराका अनुसार भेटवार्ता सकारात्मक भएको छ । नयाँ समिकरणमा संघ र प्रदेशमा सहभागी हुनेबारे पनि सकारात्मक छलफल भएको बताइएको छ ।
संघमा एक मन्त्री र एक राज्यमन्त्रीसहित सरकारमा सहभागी हुन प्रधानमन्त्री प्रचण्डले आग्रह गरेको बताइएको छ ।
त्यसैगरी नाउपा निर्णयक बनेका सुदूरपश्चिम र लुम्बिनी प्रदेशमा पनि नयाँ समिकरणमा सहभागी हुनेबारे पनि छलफल भएको छ ।
नाउपाले प्रधानमन्त्री प्रचण्डलाई विश्वासको मत दिएको थियो तर सुदूरपश्चिम सरकारबाट हटेको छैन ।
