अनलाइन डबली
काठमाडौँ । रुसको नयाँ राष्ट्रपतिमा भ्लादिमिर पुटिन पुनः निर्वाचित भएका छन् । पुटिन पाँचौँ कार्यकालका लागि रुसको राष्ट्रपति निर्वाचित भएका हुन् । राष्ट्रपतिमा उम्मेदवारी दिएका तीन अन्य उम्मेदवार प्रतिस्पर्धामै आउन सकेनन् ।
रुसको केन्द्रीय निर्वाचन आयोग (सीईसी) ले आइतबार आधाभन्दा बढी मतगणना हुँदा पुटिनले ८७.३ प्रतिशत मतसहित अग्रता बनाएको जानकारी दिएको थियो । अब पुटिनले सन् २०३० सम्म रुसको नेतृत्व गर्नेछन् ।
७१ बर्षीय पुटिनले जोसेफ स्टालिनपछि रुसमा सबैभन्दा लामो नेतृत्व गरेका छन् । पुटिन विगत ३ दशकदेखि विश्व राजनीतिमा छाएका छन् ।
यसअघि प्रत्येक चार वर्षमा राष्ट्रपति पदका लागि निर्वाचन हुन्थ्यो । तर सन् २००८ मा कार्यकालको अवधि ६ वर्षका लागि थप गरिएको थियो ।
