अनलाइन डबली
काठमाडौँ । हेटौँडा अस्पतालमा नयाँ मेडिकल सुपरिटेन्डेन्ट (मेसु) मा डा. श्रीधर अर्याल नियुक्त भएका छन् ।
अर्याल दशौँ तहका वरिष्ठ कन्सल्टेन्ट जनरल सर्जन डा. अर्याललाई मुख्यमन्त्री तथा मन्त्रिपरिषद्को कार्यालय बागमतीले हेटौडा अस्पतालको नि.प्रमुख मेसु नियुक्त गरेको हो ।
यसअघि डा. अर्याल भक्तपुर अस्पतालको मेसु भइसकेका थिए । भक्तपुर अस्पतालमा कार्यरत अर्याललाई मुख्यमन्त्री तथा मन्त्रिपरिषदको कार्यालयले फागुन ३० गते मेसुमा नियुक्त गर्ने निर्णय गरेको थियो ।
विहीबार जिम्मेवारी समालेका अर्यालले अस्पतालबाट प्रवाह हुने सेवालाई थप प्रभावकारी र गुणस्तरिय बनाउने प्रतिवद्धता जाहेर गरे । “अस्पतालबाट प्रवाह हुने सेवा थप गुणस्तरीय बनाउन प्रयास गर्नेछु, यहाँहरुको साथ सहयोगको अपेक्षा गर्दछु” पदभार ग्रहण गर्दै डा. अर्यालले भने ।
यसअघिका मेसु डा. रामचन्द्र सापकोटाको काज संघमै फिर्ता भएको छ ।
