अनलाइन डबली
काठमाडौँ । नेकपा (माओवादी केन्द्र) सुदूरपश्चिमले सरकारलाई दिएको समर्थन फिर्ता लिएको छ । सरकारमा सहभागी तीन मन्त्रीलाई मुख्यमन्त्री कमल शाहले हटाएपछि माओवादीले सरकारलाई दिएको समर्थन फिर्ता लिएको हो ।
प्रदेस संसदीय दलको बैठकले सरकारलाई दिएको समर्थन फिर्ता लिने निर्णय गरेको हो ।
त्यसैगरी यता लुम्बिनी प्रदेशका मुख्यमन्त्री डिल्लीबहादुर चौधरीले माओवादी केन्द्रका दुई मन्त्रीलाई बर्खास्त गरेका छन् । मुख्यमन्त्री चौधरीले अर्थमन्त्री धनबहादुर मास्की राना र शहरी विकास मन्त्री कृष्णा केसी ‘नमुना’ लाई बरखास्त गरेका हुन् ।
माओवादीका दुई मन्त्रीलाई बर्खास्त गरिएको मुख्यमन्त्री कार्यलयले पुष्टि गरेको छ। मुख्यमन्त्रीका प्रेस सल्लाहकार गोपाल भट्टराईले दुई जना मन्त्रीलाई बर्खास्त गरिएको रातोपाटीलाई बताए ।
केन्द्रमा समीकरण भत्किएपछि लुम्बिनीमा पनि माओवादी मन्त्रीहरुलाई सरकारबाट हटाइएको हो ।
