अनलाइन डबली
काठमाडौं । प्रधानमन्त्री तथा नेकपा (माओवादी केन्द्र)का अध्यक्ष प्रचण्डले माओवादीहरु विभाजित भएका कारण जनयुद्धका उपलब्धीहरु हराउने बताउँदै पुनः एकजुट हुनेबारे छलफल भइरहेको बताए ।
आइतबार पूर्वी रुकुमको उत्तरगङ्गामा आयोजित कार्यक्रमलाई सम्बोधन गर्दै पटकपटक पार्टी विभाजन हुँदा कार्यकर्ता र सहिद तथा घाइते परिवारमा निराश छाएको बताउँदै फेरि एकजुट हुनुको विकल्प नभएको बताए ।
पार्टीको चार महिने अभियान अन्तरगत रुकुम पूर्वमा आयोजित सभालाई सम्बोधन गर्दै प्रचण्डले भने, “नेकपा महासचिव नेत्रविक्रम चन्दसँग आज बिहान मात्रै छलफल भएको थियो। नेकपा अध्यक्ष डा। बाबुराम भट्ट्राईसँग पनि निरन्तर संवाद भइरहेको छ ।” पूर्वमाओवादीहरु एकजुट भएर जनयुद्धका उपलब्धीको रक्षा गर्ने समेत बताए ।
सोही कार्यक्रममा एक अर्को प्रसंगमा प्रचण्डले नेपाल र भारतबीचमा रहेको सीमा समस्या समाधान गर्न भारतका प्रधानमन्त्रीसँग कुराकानी भएको समेत बताए ।
चीनले हिमाली नाकासँगसम्बन्धी रहेर थुप्रै परियोजना सञ्चालनका लागि सहमति भएको जानकारी दिँदै प्रधानमन्त्री प्रचण्डले सोही परियोजना अन्तर्गतको एउटा आयोजना रुकुम पूर्वमा पनि ल्याइने प्रतिवद्धता समेत जाहेर गरे ।
