अनलाइन डबलीअछाम । गएराति जिल्लामा टेम्पो दुर्घटना हुँदा दुई जनाको मृत्यु भएको छ ।
कमलबजारबाट दैलेखतर्फ जाँदै गरेको सुपप्र०१००१ह ५५४५ नम्बरको टेम्पो राति मध्यपहाडी राजमार्गअन्तर्गत पञ्चदेवल विनायक नगरपालिकाको टोट्केसालमा दुर्घटना भएको थियो ।
दुर्घटनामा गम्भीर घाइते भएका कमलबजार नगरपालिका–४ का दीपक बोहरा र वडा नं २ का जनक खड्काको उपचारका लागि जिल्ला अस्पताल मङ्गलसेन ल्याउने क्रममा बीच बाटोमै मृत्यु भएको अछाम प्रहरीले जनाएको छ । बोहराे टेम्पो चालक समेत हुन् ।
त्यसैगरी दुर्घटनामा परी कमलबजार–४ का दिनेश साउद, सोही वडाका लक्ष्मण थापा, वडा नं ८ का वीरेन्द्र विष्ट र सोही वडाका देवेन्द्र विष्ट घाइते भएका छन् । घाइते चारैजनाको कमलबजार स्वास्थ्यचौकीमा उपचार भइरहेको छ ।
