अनलाइन डबली
सुर्खेत । ऊर्जा, जलस्रोत तथा सिँचाई मन्त्री शक्तिबहादुर बस्नेत यतिबेला भूकम्पबाट प्रभावित जाजरकोटका बस्तीमा पुगेर राहत र पुनस्र्थापनाको लागि पीडितसँग अन्तरक्रिया गरिरहेका छन् । यो संकटको बेला मन्त्री बस्नेत घर आगनमा पुगेपछि पीडितलाई भरोसा बढेको छ ।
शुक्रबार राति भूकम्प गएको जानकारी पाएदेखि नै बस्नेत उद्दारको लागि सरकारी संयन्त्र परिचालनदेखि राजनीतिक दल तथा संघसंस्थासँग समन्वय गर्दै भूकम्प प्रभावित क्षेत्रमा खटिरहनुभएको छ । प्रधानमन्त्रीसँगै जाजरकोट पुगेर भूकम्प पछिको पहिलो मन्त्रिपरिषद् बैठकमा सहभागी भएर बस्नेत जिल्ला फर्किनुभयो ।
नेकपा (माओवादी केन्द्र)का उपमहासचिव समेत रहेका बस्नेत यतिबेला मन्त्रालयका सम्पूर्ण कामलाई छोडेर पीडितसँग रहेका छन् । मन्त्रीको लागि सरकारले उपलब्ध गराएको सुरक्षाकर्मीलाई समेत नलिई पीडितको घरघरमा पुगिरहनुभएको छ ।
रामीडाँडा केन्द्र भएर गएको भूकम्पबाट जाजरकोटका ७० देखि ७५ प्रतिशत घर बस्न योग्य नभएको प्रारम्भिक विवरण आएका छन् । पूरै जिल्लाबासीको पुनस्र्थापना गर्नुपर्ने अवस्था सिर्जना भएकोले बस्नेत दीर्घकालिन योजना बनाउन प्रत्यक्ष अवलोकन गरिरहनुभएको छ ।
माओवादी केन्द्रका ऊर्जाशील नेता बस्नेतले समयमै पहल लिएका कारण उद्दार, राहतका कामहरु सोँचेभन्दा बढी प्रभावकारी भइरहेको छ ।
आफ्नै पहलमा राहत संकलन कार्य पनि जारी राखेका छन् । माओवादी नेतृ सत्य पहाडीलाई उक्त जिम्मेवारी दिइएको छ । दोस्रो चरणको राहत सामाग्री जाजरकोट पठाउने तयारी भइरहेको पहाडीले जानकारी दिनुभयो ।
जाजरकोटबाट प्रतिनिधिसभामा निर्वाचित सांसद समेत रहेका बस्नेत कुनै प्रचारको लागि भन्दा पनि जिम्मेवारीबोधका साथ पीडितको लागि खटिनुभएको छ । मन्त्री बस्नेतको सक्रियताले भूकम्प पीडितले भरोसाका खम्बा भएको बताएका छन् ।
फोटोहरुः
