अनलाइन डबली
काठमाडौँ । भूकम्पबाट घाइतेहरुको लागि अखिल क्रान्तिकारीले रक्तादान सुरु गरेको छ ।
नेकपा (माओवादी केन्द्र) निकट अखिल क्रान्तिकारीले काठमाडौँ त्रिवि शिक्षण अस्पतालमा रक्तदान सुरु गरेको हो । भूकम्पमा परी घाइतेहरुको उपचारको क्रममा रगत आवश्यक हुने भएकोले अस्पतालमै रक्तदान सुरु गरिएको हो ।
अध्यक्ष पञ्चा सिंहले घाइतेलाई रगतको अभाव हुन नदिने आफूहरुले एक हप्तासम्म रक्तदानलाई निरन्तरता दिने जानकारी दिइन् । उनले रक्तदान गर्न सबैलाई आग्रह समेत गरिन् ।
जाजरकोट र रुकुम हुँदै काठमाडौंका जुनजुन हस्पिटलमा घाइतेहरुको उपचार हुन्छ त्यही ठाउँमा आवश्यक समन्वय गरेर रक्तदान गर्ने गरी टीम परिचालन गरिएको अध्यक्ष सिंहले जानकारी दिएकी छन् ।
भूकम्प पीडितको लागि जीवन रक्षाको लागि हप्ताव्यापी रक्तदान सेवा जारी राख्ने अखिल क्रान्तिकारीले जनाएको छ ।
त्यसैगरी अखिल क्रान्तिकारीले घाइतेको कुरुवालाई खान र बस्नको व्यवस्था गर्ने समेत भएको छ । अध्यक्ष सिंहले घाइतेको कुरुवाको लागि काठमाडौँमा आएकाहरुको खाने र बस्ने व्यवस्था संगठनले गर्ने बताइन् ।
