अनलाइन डबली
काठमाडौं । संचार तथा सूचना प्रविधि मन्त्री रेखा शर्माको निर्देशनमा नेपाल टेलिकमले भूकम्प प्रभावित जाजरकोट र रुकुम पश्चिममा फोन तथा म्यासेज ५ दिनका लागि सिमसहित निःशुल्क उपलब्ध गराउने घोषणा गरेको छ ।
शनिबार विहान मन्त्रालयमा बसेको बैठकमा मन्त्री शर्माले कम्तिमा पनि पाँच दिनसम्म भूकम्प प्रभावित जाजरकोट, रुकुम पूर्व, रुकुम पश्चिम क्षेत्रमा नेपाल टेलिकमले सीमसहित सेवा निःशूल्क उपलब्ध गराउने निर्देशन दिएकी थिइन् ।
सोही निर्देशनअनुसार टेलिकमले पाँच दिनका लागि निःशुल्क टेलिकमको सिमसहितको एसएमएस र कल सेवा उपलब्ध गराउने जनाएको छ ।
“प्रभावित क्षेत्रमा पाँच (५) दिनको अवधिका लागि निःशुल्क भोइस र एसएमएस सेवा सहितको निःशुल्क सिम उपलब्ध गराइनेछ । उक्त सिम कम्पनीको सुर्खेत, रुकुम पूर्व, रुकुम पश्चिम र जाजरकोटका कार्यालयबाट उपलब्ध हुनेछ” टेलिकमको सूचनामा भनिएको छ ।
उद्दार क्षेत्रमा सूचना आदानप्रदान गर्न आवश्यकता अनुसार निःशुल्क नमस्तेको वाइफालाई सेवा समेत उपलब्ध गराइने टेलिकमले जनाएको छ ।
बैठकपछि मन्त्री शर्माले जारी गरेको विज्ञप्तिः
