अनलाइन डबली
काठमाडौं । गुण्डा नाइके रिगल भनेर चिनिएका योगराज ढकाल फेरि पक्राउ परेका छन् । सर्वोच्च अदालतले राष्ट्रपतिबाट आममाफी पाएको आममाफी बदर गरेर पक्राउ गर्न आदेश दिएलगत्तै प्रहरीले रिगललाई पक्राउ गरिको छ ।
विहीबार दिउँसो प्रहरीलाई रिगललाई नेपालगंजबाट पक्राउ गरेको हो ।
चेतन मानन्धरकाे हत्या आराेपमा जेल सजाय भाेगिरहेका रिगलले राष्ट्रपति रामचन्द्र पाैडेलले संविधान दिवशकाे अवसरमा आममाफी दिएका थिए ।
उक्त आममाफी गैरकानूनी भएको भन्दै खारेजीको मागसहित भारती शेर्पाले सर्वोच्चमा रिट दायर गरेकी थिइन् ।
सर्वोच्चको यो आदेशले रिगल ११ वर्ष ११ महिना ५ दिन जेलमा बस्नुपर्ने भएको छ ।
बुधबार न्यायाधीशहरु ईश्वरप्रसाद खतिवडा, सपना प्रधानमल्ल र कुमार चुडालको संयुक्त इजलासले रिटमाथिको सुनुवाइ सकेको थियो । सर्वोच्चले विहीबार फैसला सुनाउँदै आममाफी दिने राष्ट्रपति कार्यालयको निर्णय उत्प्रेषणको आदेशले बदर गर्दै निजलाई तत्काल पक्राउ गरेर थुनामा राख्न परमादेश समेत दिएको थियो ।
संविधान दिवसका अवसरमा मन्त्रिपरिषद्ले योगराज ढकालको कैद मिनाहा गर्ने निर्णय गरी आममाफीका निम्ति राष्ट्रपतिसमक्ष सिफारिस गरेको थियो । सरकारको उक्त सिफारिससँगै ढकाल कारागारमुक्त भएका थिए ।
कारागारबाट रिगललाई अबिर जात्रासहित घरसम्म पुर्याइएको थियो ।
