अनलाइन डबली
काठमाडौं । इजरायलले गाजा पट्टीमा जारी राखेको हवाई हमलाको विपक्षमा नेपालसहित १२० देशले मतदान गरेका छन् । योसँगै संयुक्त राष्ट्रसंघको महासभामा इजरायल–हमास युद्ध रोक्ने प्रस्ताव पारित भएको छ ।
प्रस्ताव पारित भएसँगै तत्काल दिगो मानवीय युद्धविरामको आह्वान गरिएको छ ।
इजरायलले गरेको हवाई हमलाको पक्षमा १४ देशले मतदान गरेका छन् भने भारतसहित ४५ देशले मतदानमा सहभागी भएनन् ।
न्युयोर्कमा भएको संयुक्त राष्ट्रसंघको बैठकमा इजरायलका राजदूत गिलाड एर्डनले हमासलाई यस्तो अत्याचार गर्न दिएर आफू चुप लागेर नबस्ने बताए । उनले इजरायलसँग आफ्नो रक्षा गर्ने अधिकार रहेको बताउँदै अधिकार प्राप्ति भनेको त्यस्ता अत्याचारहरू कहिल्यै दोहोरिन नपरोस् भन्ने सुनिश्चित गर्नु रहेको दाबी गरे ।
उता इजरायली सेनाले शुक्रबार राति गाजामा हवाई आक्रमणलाई तीव्र पारेको छ । स्थलगत परिचालन पनि बढाइएको छ। आक्रमणका कारण गाजा क्षेत्रमा सञ्चार अवरुद्ध भएको छ भने इन्टरनेट पनि बन्द गरिएको छ । करिब २३ लाख मानिस संसारबाट सम्पर्कविच्छेद भएका छन् ।
१२० देश एकातिर हुँदा समेत भारतले मतदानमा सहभागी नभएर आफ्नो ढुलमुले पारा देखाएको छ ।
